ឃើញសំណង់អាគារក្រោមទឹក និងអណ្ដែតទឹកទាំងនេះហើយ ធានាថាចង់ទៅរស់នៅជាមិនខាន

នៅក្នុងទឹកពណ៌ខៀវដ៏សែនថ្លានៃឆ្នេរសមុទ្រទីក្រុង Dubai និងខ្សែសង្វាក់នៃកោះដែលគេស្គាល់ថា ជាបេះដូងនៃអ៊ឺរ៉ុប គឺជាកន្លែងប្រាថ្នាដែលមនុស្សនៅទូទាំងពិភពលោកចង់ទៅ។ ដោយឡែក តំបន់បេះដូងនៃអ៊ឺរ៉ុបនោះ គឺជាទីតាំងទីមួយដែលមានសាងសង់នូវផ្ទះអណ្ដែតទឹក ដែលបានចំណាយទឹកប្រាក់អស់ប្រមាណជា 2.8លានដុល្លារ ហើយតំបន់នោះត្រូវបានគេដាក់ឈ្មោះឲ្យថា Floating Seahorse ដែលគម្រោងនេះត្រូវបានចាប់ផ្ដើមតាំងពីឆ្នាំ2016 មកម្លេះ។ បន្ទាប់មកទៀត តំបន់នោះដដែលត្រូវបានអភិវឌ្ឍន៍បន្ថែមដោយមានការចំណាយទឹកប្រាក់រហូតដល់ទៅ 3.3លានដុល្លារឯណោះ។ យ៉ាងណាមិញ សូមទស្សនារូបភាពខាងក្រោម៖

គួរបញ្ជាក់ផងដែរថា Flaoting Seahorse គឺជាសមិទ្ធផលមួយដែលបានចំណាយពេលរហូតដល់ទៅជាង 5,000ម៉ោងដើម្បីសិក្សារស្រាវជ្រាវ។ លើសពីនេះទៅទៀត 13,000ម៉ោងត្រូវបានចំណាយដើម្បីគិតគូលើការរចនា និងវិស្វកម្ម។

ម៉ូដែលទីមួយនេះ ត្រូវបានប្រកាសដាក់លក់តាំងពីឆ្នាំ2015 មកម្លេះ ពោលគឺមុនពេលគម្រោង Seahorse ត្រូវបានបញ្ចប់។ មិនតែប៉ុណ្ណោះ ជាង 60 នៃ Seahorse ត្រូវបានលក់ចេញភ្លាមៗក្នុងឆ្នាំដដែលនោះ។

សម្រាប់ម៉ូដែលមួយនេះវិញ អ្នករស់នៅនឹងអាចឃើញការរាំរបស់សត្វសេះសមុទ្រនៅក្នុងសមុទ្រ Arabian Gulf ដែលជាទម្លាប់ធម្មជាតិរបស់សត្វនោះ។

ផ្លះអណ្ដែតនេះ នឹងមានគ្រែមួយទៀតអណ្ដែតចេញពីក្រៅផ្ទះតែម្ដងសម្រាប់ឲ្យអ្នកស្នាក់នៅអាចគេងកំសាន្ត និងមើលទេសភាពបាន។ មួយវិញទៀត ប្រសិនបើអ្នកចង់ហែលទឹក គឺគ្រាន់តែលោតចុះពីលើគ្រែនោះជាការស្រេច។